मा. वि. स.

टोपीवाला हायस्कूल मालवण माजी विद्यार्थी संघटना

मा. वि. स. ही टोपीवाला हायस्कूलच्या माजी विद्यार्थ्यांनी माजी विद्यार्थ्यांसाठी 1991 मध्ये नोंदणी करून स्थापन केलेली एक स्वायत्त संस्था आहे. यांत मालवण एज्युकेशन सोसायटीद्वारे चालविल्या जाणार्‍या सर्व शैक्षणिक संस्थांचे 16 वर्षावरील माजी विद्यार्थी सभासद होऊ शकतात. मा. वि. स. ची स्वतंत्र घटना (नियम आणि नियमावली) असून तिचे कामकाज संस्थेच्या कार्यकारी मंडळातर्फे पाहिले जाते. सध्या या कार्यकारिणी मध्ये मालवण, मुंबई आणि पुणे मधून 11 सदस्य आहेत. आजमितीस सभासद संख्या 495 एवढी आहे. संस्थेचे कामकाज हे माजी विद्यार्थीनी देणग्या गोळा करुन बांधलेल्या व्यंकटेश हरी सांगावकर ज्ञानमंदिर या वास्तूतील कार्यालयातून चालते. "माजी विद्यार्थी" हा MVS चा केंद्रबिंदू असून त्यांच्या मदतीने माजी विद्यार्थी, आजी विद्यार्थी आणि मालवण शहर यांच्यासाठी विविध उपक्रम राबवले जातात. त्यांत मेळावे, सहली, कार्यशाळा इत्यादींचा समावेश आहे. Topiwalla MVS Events या नावाचे MVS चे यूट्यूब चॅनेलही आहे.